18/05/2007
ANDAINA 2007
Dentro das diferentes actividades que realizamos para celebrar o Día das Letras destaca a Andaina. A Andaina é unha actividade na que participa toda a comunidade educativa. Este ano realizouse o 16 de maio e fomos até Castrelo do Val. Alí, en plena natureza, o alumnado realizou un recital das poesías máis representativas de María Mariño, a quen se lle dedica este ano o Día das Letras. Despois para rematar a xornada participamos en diferentes xogos.16/05/2007
PREMIO DE MELLOR PANCARTA DO CORRELINGUA
O 9 de maio o alumnado de 1º de bacharelato participou no Correlingua en Ourense. Esta actividade é unha proposta de carácter lúdico-educativo que pretende convidar a mocidade e os centros de ensino a participar nun acto público de reivindicación do dereito a medrar en galego e tamén a exercer de maneira efectiva como galegos e galegas a través do uso do noso idioma, única forma de garantir o seu futuro.
Cada grupo elaborou unha pancarta onde había referencias á situación do galego e reivindicábase o seu uso. unha delas, a elaborada polo alumnado de 1ºC resultou gañadora do concurso de pancartas. O lema era: "A nosa maxia, a nosa lingua. Galegade con nós" onde se transmite a idea do uso da lingua galega como sinal de identidade.
Pola tarde realizamos unha visita á Casa Museo de Otero Pedraio, en Trasalba.
04/05/2007
NOELIA SALGUEIRO 2º PREMIO DE NARRACIÓN DOS XXXV PREMIOS MINERVA
18/04/2007
INTERNET E BLOGS NA EDUCACIÓN
RELATORIO EN PORTAS ABERTAS
O GALEGO NAS CIDADES
21/03/2007
IMAXE DE POETAS
A Asociación de Escritores en Lingua Galega presentou hoxe coincidindo co Día Mundial da Poesía unha campaña coa que pretenden divulgar a imaxe de poetas galegas/os. DÍA MUNDIAL DA POESÍA 2007
O 21 de marzo é o Día Mundial da Poesía. O escritor Fran Alonso fixo un manifesto no que recolle 5 motivos para ler poesía. Desde aquí querémosvos animar á lectura de poesía galega durante todo o ano. MARÍA MARIÑO, LETRAS GALEGAS 2007
María Mariño Carou (Noia, 1907-Parada do Courel,1967). En vida publicou unha única obra Palabra no tempo (1963). O poemario Verba que comeza publicouse postumamente en 1990. A súa poética caracterízase por unha temática intimista e unha linguaxe rupturista. O feito de dedicarlle este ano o Día das Letras Galegas fai que coñezamos mellor esta figura da literatura galega en parte ignorada até o momento. Son moitas as entidades que teñen apartados dedicados á autora homenaxeada. Na Biblioteca Virtual Galega podemos coñecer máis sobre a súa vida e a súa obra.14/03/2007
XORNADA DE PORTAS ABERTAS O 25 DE MARZO
O IES García Barbón permanecerá aberto o 25 de marzo. Dentro da programación hai diferentes actividades que reflicten o traballo dos departamentos do centro. Durante todo o día poderase participar en obradoiros sobre Internet, proxectos empresariais ou de aspectos relacionados coa saúde.
Tamén haberá exposicións permanentes sobre a iconografía das grandes relixións, as imaxes do mundo clásico: Grecia e Roma, sobre os libros galegos e sobre maquetas, circuítos e máquinas. Ademais poderase ver a película Orgullo e PreXuízo (Pride and prejudice, 2005) en versión orixinal.
Con esta iniciativa preténdese achegar o centro de ensino a toda a sociedade, sobre todo á de Verín e zonas próximas, á que animamos a que se nos visiten ese día.
.